لا والله اللي بالضحى جا خبرها

وأغشى عيوني ليل والشمس بسنود

بنت الرجال اللي تهدي وعرها

وأم الرجال اللي لهم فعل مشهود

لا هانت أم سلطان لو هو قبرها

يعزها في رحمته خير معبود

حيث انها بالخير كلٍّ ذكرها

مشهورة سلمى بالاحسان والجود

وفيها الطهارة والتقى من صغرها

والله عطاها بالنسب والحسب زود

ياكيف أعزي من ببره غمرها

واللي بفقده قلبها صار ملهود

واكبر عزا إن المنيه أمرها

رب له أهل الخير ركاع وسجود

يالغاليه ما أنساك دامي بظهرها

الله يكتب لك بجناته خلود

يالله ترحمها وتجعل قدرها

مع صفوة الأخيار في يوم موعود