ما كل من قال شعرٍ عقد اردونه
يشوف نفسه وفي الميدان خيالي
يشوف نفسه وكل الناس من دونه
وشيطان نفسه يقوده للخطا التالي
طبيعة النفس للذات مرهونه
وهاذي حقيقة ماقول أنه يورا لي
والعقل ميزان للرجال ويصونه
عن الزلل لو يفكر كل رجالي
والشعر ما يعتبر من دون مضمونه
الشعر ما هو بطبل عند طبالي
وياكثر شعر الغزل واللي يقولونه
ياهل الغزل قللو من قول يا غالي
احد يقول الغزل والدمع بعيونه
واحد يقوله وقلبه داله خالي
ويقول مزيون لو ما شاف مزيونه
ويقول يبكي ودمع العين ماسالي
ويقول شعره يغطي كامل امتونه
ولو إن شعره سوات العرفج البالي
هذا خيالٍ ويبغى الناس يقرونه
مع صورته والنتيجة طيش وهبالي
شباك صيد حصيله يوم يرمونه
يطيح فيه السمك بالوان واشكالي
كم قلب عذرا يبيعونه ويشرونه
كما يبيع البضاعة كل دلالي
