والله لو تدري عن اللي بالأعماق

ان كان ما تقسا على القلب مره

أقابلك مشتاق وأروح مشتاق

وقلبي بحر وأنته بالأعماق دره

قلبي معك يا سيد البيض خفاق

اليا تريح ساعةٍ زدت حره

معك المشاعر والأحاسيس تنساق

أسوقها لاجلك وأعيش المسره

أنا تراي لهمسة الحب ذواق

لو كان قلبي بالمحبة تجره

شوفتك تسقي الروح يا مدمج الساق

وتحيي الهشيم اللي ظلالك يمره

ترى الهوى لقلوب الأحباب فتاق

ودرب الهوى من جربه ما يغره