بدت شمس الحقيقة ما على صدق الكلام جدال
تبّين من يقول وله فعول تثبت اقواله
يبين الصدق ورجاله.. ويظهر باللزوم رجال
مثل مانايف الشامخ بعال المجد منزاله
شعار المملكة واضح.. ولا يحجب النهار خيال
ليا هبت رياح الوقت شد الغيم لرحاله
متاهات الكلام السرمدي ماضرت العقّال
ومحابيل الخطايا للحقود تصير محباله
تزل اقدام راع الزيف.. تكشف حيلة المحتال
ويموت الحاسد بغيظه عسى ما فالنا فاله
كيان المملكة شامخ واهلها مضرب الامثال
شريعتها الكتاب.. وبالمبادي تحمل رساله
وطنّا يحارب الارهاب ويقطع دابر الانذال
شعارٍ للسلام وبالمكارم كثرت افضاله
وطنا مثّله نايف بصدق القول والافعال
رجل امن الجزيرة سطّر التاريخ لافعاله
وطنا من لفاه بطيب في ظله لقى مقيال
لاجاء لاهل الكرم عاني تهنّى وانشرح باله
وطنا لا وصل حد الحسام وشربة الفنجال
يموت الضد ما والله تهنّى بشرب فنجاله
عسى الله يرحم معزّي عرينه مصدر الابطال
جمع شمل الجزيرة يا عسى الفردوس منزاله
على منهاج ابو تركي بقينا والعدل لازال
مشى من بعده ابطاله على نهجه ومنواله
صواريم الحرار اللي لهم بالشامخة منزال
مصابيح الدجى.. لاجاء الصحيح وكبرت القاله
تحت حكم الفهد عشنا بطمأنينة وراحة بال
واذا دقّت نواقيس الخطر.. حنّا ترى رجاله
