عجزت لا أحصي بالقلم وصف سلطان
ولا أظني أحصي بالقصايد فعاله
شيخٍ معرب من سلايل كحيلان
سلطان .. سلطان الوفا والشكاله
رمز الشجاعة والكرم عالي الشان
حنا وما تملك يدينا فدى له
ياما عطت يمناه من بر واحسان
تبذل يمينه ما درت به شماله
عندي على قولي دلايل وبرهان
اللي سمع طاريه واللي عنا له
شيد له التاريخ مجد له أركان
يذكر .. ويحمد كل ما جا مجاله
له الوفا والجود والمجد عنوان
الله يطيل بعمر راعي العداله
قائد جيوش ترهب الضد لابان
وسور الوطن كلّ تذرى بجاله
نمشي بما يأمر شباب وشيبان
قايد جيوش العز.. حنا رجاله
وأطلب من أدرك علم غيبه وما كان
فرد صمد في عزته وبجلاله
يحفظ لنا سلطان واخوان سلطان
درع الوطن ضد العبث والجهاله
