من حييت بظل صمتي.. والليالي ساريه
وانت ياصمت الليالي ماخذيتن لك عشير
وماهقيتك ياحلومي.. في حياتي عاريه
يلفحك حر السموم .. ويطردك برد الهجير
اشربي واقع حياتي واحملني جاريه
دام سلمّتك يديني لاتخليني أسير
القضية.. في قصيدي كل يومٍ طاريه
هي سخط رجلٍ صبر.. أو ثراء شخصٍ فقير
من عرفتك يالليالي في عذابي داريه
وانتي أقسى من نظر لي في خطا عودٍ كبير
اتكلم لك بعهدي.. وانتي أكذب قاريه
واتعلم منك جهدي.. وانتي السيف الجفير
وش جزاء رجل تعلم من صروف ضاريه
يايعيش العمر غالي ياخذاها من قصير
ليتني ماجيت ساري والصحاري ذاريه
ليت ماعودت نفسي للبختري والعبير
مجهلك وانتي لأرحم قلب شفتك فاريه
راح ما منك خذا غير التنهت والزفير
بالليالي كل طيّب راح.. وانتي شاريه
والعجب مابان شيٍ فيك من طيب العشير
فالح الناهي - حايل
