ياحب خل الحب لمن مد يمناه

ومن مدلك يسراه حّرم سلامه

خلك عزيز النفس ياما بكيناه

ذاك العزيز اللي تفرد مقامه

كانك تعيش الحب حنا وفيناه

باكر تعرف إنا وفينا صيامه

ياما عشقنا الحب وياما عشناه

وبالتالية قالوا علينا الملامه

ليتك عرفت البارحة وش جزيناه

بين الضلوع العوج يبني خيامه

واليوم غير الأمس لا ما عطيناه

إلا بقايا شعرنا في هيامه

كل قرى بالحب بيت بنيناه

كل يقول هالبيت يصعب هدامه

وش رايكم لو قلت بيته رثيناه

البيت ودع والبقى في سهامه

قالوا تموت ليتك اليوم تنساه

دامه تناسى في حياتك غرامه