|
| مدارات شعبية
ما أوصيكم عليها
وردة...
يجرح نواها خدها
يسهر الليل.. بسوالف قدها
ينتحر للخوف.. كم رعشه ورعشه
لاكتسى قلبي بيديها
ما أوصيكم عليها
ليلة.. ينبت على جال السهر
في عيونها.. للبعد دمعه
وان غفت
ترسم أحلامي
عشب غيم
وومض شمعه
والصباح اللي خلف موعد عصافيره..
وشمسه
يشتكي البارح
نقض باقي النجوم
وساهر من أمسه
يحتريها...
ما أوصيكم عليها
علموها
لاتحب اكثر من النسيان أحد
علموها الكذب لاتصدق أبد
هي تظن إن الوعد ميت
بليا انتظار
علموها
انتظاري مايعيش بلاوعد
علموها اني.. بليا حلم.. بليالون.. بلياشف
علموها اني بضعفي اعترف
وكل هالدنيا إذا غابت بعيني تختلف
علموها
ما اهتويت..
علموها اني هويت
علموها.. وردة ينزف نداها
لانجرح من خدها
سالفه قد الظبي تاهت بليلة قدها
ينبعث للخوف كم رعشه.. ورعشه
لاقصت عني يديها
وقبل ما أرحل
أمانة
ما أوصيكم عليها
د. سعد الماضي
* حائل عبدالعزيز العيادة:
|
|
|
|
|
