ياهل النياق اللي عليهن تصكون
من فضلكم لا تسجنون البهايم
ما فيه داعي للبهايم تحبسون
خلو عطايا الله تذب الخرايم
ياليتكم عن مشتراها تجوزون
والا تبعد عن صطول القمايم
اما عطوها حقها لا تشحون
والا اتركوها مالكم بالظلايم
بحقوقها اللي واجبه لا تعيون
الله عطاها للصحاري قوايم
البل بها شجعان نجد ايتعزون
اللي وراها يجدعون العمايم
مقدارها عند المناعير مضمون
يومنها بين القبايل غنايم
ليت الذي تحت المقابر يشوفون
اللي عن البل جاهدوا بالعزايم
اللي بميدان المعارك يهوشون
يوم الرمك تعطى هجوم وهزايم
هذا وانا ما فرض على الناس قانون
وجهة نظر مافرض عليهم لزايم
واللي عطوها حقها ما يلامون
بعناية البل ما لحقهم لوايم
