البارحه في الليل يوم اتنزه

واخيل براق سرى وين يازي

من دون ربعي فرجة مبرهزه

ابغى العزا منهم ولاني بعازي

يازين شب النار خطوات حزه

في مجلس ما سفروا له بقازي

شبابها قرم على اول منزه

جنوبي كذه ربوة حجازي

مالي بمن هم في البلد مستلزه

اللي يبيعون اللبن بالبيازي

يا ضيف لامنك بغيت المعزه

عليك باللي جارهم ما يهازي

هزه ودزه وانثنى عند بزه

والضيف من طيب المعازيب فازي

جار من الجيران ودك تلزه

وجار من الجيران منه المجازي