سلمان يا عزوة ضعيف وحاير

ونفس جريحة بك يداوى اساها

لي جاك مكسور كسيته جباير

ورويت كبود غيث جودك سقاها

وان جاك مهموم همومه كباير

يلقى عزا نفسه ويلقى دواها

حلم واناة في الامور العساير

وعند الشدايد وقفتك ما وراها

رايك يقدي كل تايه وحاير

وصعب الدعاوى من يمينك قضاها

ما للرياض بفضل جهدك نظاير

رفعت يا فرز الوغى مستواها

في كل يوم تزف فيها البشاير

لاعظم مشاريع كليف بناها

بجهدك ومالك ما حسبت الخساير

ووقتك نذرته للبلد من غلاها

هذا الشعور من اقصى الاعماق ثاير

سلمان يا نور الرياض وسناها