الغربه اللي علمتني زماني

يازينها لوهي على القلب مره

تجود نفسي من حرير المعاني

والم شمل السالفه واتشره

لا تسأليني ربي اللي بلاني

واذا بليت بحبكم لي مسره

البير لاجفت تموت السواني

وطيورها ترحل توادع مقره

غريب روحي وغربتي له معاني

اول معانيها قصيد تجره

من زمزم اعماقي وفيت ونساني

اهديته الخفاق واهدى المضره

الوقت وقتي وقفي بالثواني

ودامي شربت العشق خيره وشره

دام العمر مافيه حلم واماني

ماظن يهنا صاحبه فيه مره