باسم المحافظ واسم أهل الغزاله
يا مرحبا يا أمير يا قرة العين
الطيب هو والهيل يا غلا دلاله
وألف هلا بك من قلوب الملايين
يا بن سعود اللي حكم بالعداله
من عهد ابو تركي وبالحكم راضين
اللي دعا للحق واكمل خصاله
وجعل أساس الحكم كله من الدين
وحكم سعود وحي والله فاله
والخير عم صغارها والمسنين
وآلت لفيصل يوم ربك نوى له
وسياسته علم يدرس قوانين
وخالد شمخ به في عوالي جباله
في عهده الصحراء قلبها بساتين
ووصلت لبو فيصل ونعم الرجاله
كمل مسيرتها لما بعد الألفين وعم الأمن والخير والجهل زاله
هذا الفهد بالحكم عدل وموازين
ودار الثقافة دار حنا عياله
مية سنة مرت علينا عزيزين
وفينا أبو متعب ذرا من لجا له
في مجلس جمع تواضع مع الدين
وسلطان ليث المملكة عز جاله
ستر العذارى وان جرى وجاري شين
يا ميرنا يا سعود حائل صفا له
حظه تعلا فوق كل الميادين
من صرت أميره بان وانور هلاله
تقول يا حظي جمعت الأميرين
واليوم تفرح بك أهالي الغزالة
شيابها وشبانها والمقيمين
جيتوا لها متفقدين حواله
فتح مشاريع وأخرى لها تعين
بحجر أساس الخير هلت خياله
شملت في عطفك قلوب المريضين
ومشروع للهاتف سبق باشتغاله
وللخير جمعية تعين المساكين
والخير ياتي في قدومك قباله
ويعم كل المنطقة بالرياحين
تشرب من المورود صافي زلاله
وطير السعد مثلك على الراس والعين والفضل لله ثم لاهل الأصاله
آ ل السعود صغار وكبار وافين
