يا هلا ومرحبا باغلى واعز الرجال
من سلالة هل العوجاء كرام السبال
للمواطن ذرى شجرة وفىّ وظلال
يشهد المجد والتاريخ يوم القتال
من بلاد الكويت أتعب ظهور الجمال
قال ماكبها من يوم قالت تعال
وامتطى صهوةٍ حرة وشد الرحال
واحتزم للجهاد ورافقوه العيال
وحد الشمل أخو نورة على كل حال
من تراثه وآثاره يوم هاك الليال
إيه هذا الشجاع اللي يروى السلال
لو طرحنا على جرد الفيافي سؤال
تعترف للرسول وللصحابة كمال
استلمها عقب دور الصحابة وقال
ما توانى يلين الشرك والظلم زال
وخلَّف عيال من بعده تشيل الثقال
واحكموا بالشريعة واحكموا بالعدال
طال عمر البلاد وعمر الاسلام طال
وعقب مقرن نزل حائل عروس الشمال
ورحبت في قدوم سعود وافي الخصال
وزادت الحب شوق ولا بهذي جدال
وطال عمر البلاد وعمر الاسلام طال
روسنا اللي ليا ضقنا انتخينا بها
عزوةٍ باللوازم تحسب أحسابها
وللمعادي سيوفٍ يطعن حرابها
ليلةٍ شدّ أخو نورة على أركابها
وأتعب الخيل وأتعب سرج ركابها
لين أصلي صلاة الصبح بترابها
والشهادة عصاة اللي تعصا بها
يوم الأخوان ترد الموت برقابها
من صباحٍ رفع شلفاه وأهوا بها
ثابتة لا يزال بحد مضرابها
وأيه هذا الكريم اللي فتح بابها
من رعبها ومن جمع عصا أحزابها
وتعترف لخو نورة سيد أصحابها
الجهل لا تحطة زينة ثيابها
رافعٍ راية التوحيد طلابها
أتبعوا سيرته ليلٍ تعزوا بها
وطبقوا منهج السنُّة على كتابها
وطال عمر الرجال اللي تسما بها
واستقر بوطنها وثبَّت حجابها
وانثرت له ورود الأرض واطيابها
ديرةٍ تفتخر في حضرة احبابها
وطال عمر الملوك اللي تسمى بها
