طلبت الله يلهمني على فرقاك صبر وحيل
وطلبت الله ينسيني غلاك اللي مبهذلني
صحيح أن الهوى ذلة صحيح أن الهوى تذليل
وصحيح أنك ملكت القلب لكن لا تغربلني
أنا اللي سلمك قلبه غلا عشق وغلا تدليل
وأنا اللي بقطع دروب على بابك توصلني
أنا العاشق أنا الهاجر أنا اللي ما يبي تعليل
وأنا الضامي وأنا الراوي ولا اسمع لو تكلمني
علامك يومني صادق تعاكس كيلي أبه الكيل
توردني على حوض تحسب أنه يقتلني
أنا مقدر أقول الا عسى دارك يجيها سيل
تدوس ترابها رجلك يرد العلم ياصلني
أبيك اليوم في راحة ولو أن العنا تفصيل
كما ثوب على قوسي لبسته يوم تظلمني
