النادي اللي يرفع الراس معروف
اللي بطولاته ثمان وثلاثين
يمه تجي ببلا مشاعيب واسيوف
وببلا تصاريح تهز الملايين
ماله منافس يوم أنا ابصرت واشوف
وين المنافس دامت الفرق عشرين
هذا الهلال وبالزعامات موصوف
كل يعرفه في الولايات والصين
العقد تم وكل شيء صار مكشوف
وترى المنافس فرق وحده وثنتين
في كل عام ضيف الكاس برفوف
خلي التخبط والعزا للمدايين
جمهوره اللي ما نفخ بوق وادفوف
يا هلال هرج ارجال ما هم بزارين
من قابله يدب في قلبه الخوف
ومن شاف لعبه يطرب الشوف بالعين
لا للتعصب لا ولا نيب ملقوف
مسكين يلي ما بغى الحق مسكين
يا سعود بن تركي ترى الكاس مسيوف
كاس الملك خله يجي للمحبين
مع كاس ابو متعب يجي صف مصفوف
حتى يصير العقد يسوى لعقدين
يا هلال يا بركان يا شبه عاصوف
محدٍ يجاري لعبكم في الميادين
زيدوا طربكم واتركوا كل ملهوف
للعالمية خلوا الكعد كعدين
تمت وانا في خاطري جملة احروف
للي مودتهم لها جملة اسنين
