يالله ياللي بقدرتك تنشي اجيال
ومن معجزاتك تحصي الكون كله
يامحيي عظام رميمات واسمال
ومن هو نوى درب الهدايه تدله
يالله تعين اللي لهمّ الوطن شال
اميرنا اللي كل شعبه يجله
نسل السعود اللي كريمين وابطال
مانزّلوا هاماتهم للمذله
الى تخالف بعض ناسٍ بالاقوال
نايف صعيبات المشاكل يحله
القى القبض على المعبثين بالحال
بفتره وجيزه والولي عاينٍ له
انا اشهد انه للوطن درّب رجال
صارت عناوين الامن هي سجله
يوم ان زعيم الروس ارسل بمرسال
يبي يساعد قال مليون لله
اميرنا اللي حكمته صارت أمثال
بين الدول والمرجله حاويٍ له
وصلاة ربي عد ما وادي سال
واعداد ماخطت حروف بمجله
على النبي اللي عن الحق مامال
محمد اللي امته شافعٍ له
