يا هلا بالزعيم اللي لفى من اللاذقية

محمل بالذهب وحامل كأس البطولة

البطولة اللي جت من الله هديه

للزعيم جاته بقوة الله وحوله

الهلال بالله عزومه دائم قويه

واثق بالله وحباله بالله موصوله

الولي يجازي كل سليم نيه

محسنين الظن بالله في كل ما نقوله

يا زعيم الأندية ياللي ما شفت زيه

يا هلال في بطولاته محد يطوله

الزعيم عشقه تحدي ولا يكسر بالفيه

والطريق الصعب طريقه ولا يهتم بطوله

كل خصم يعطيه حقه من المقدريه

ما يقلل من الخصم والأمور بالله معقوله

الزعيم اللي من خلفه رجال صيرميه

الحرار اللي بهم طيب ورجوله

ريسه أمير كل علومه وفيه

أبو فهد سعود اللي طيبات فعوله

واقف مع الزعيم في روحه وجيه

باذل جهده وأعماله ما هيب مجهوله

والرجال اللي معه في كل هيه

كل ما يبي زعيم الأندية وفرواله

نحمد المعبود تحقق للهلال مبغيه

فوزه بالنخبة وكاسها جا في حلوله

واكتمل عقد البطولة في كل شيه

والعيون نامت مرتاحه ولا هي مشغوله

الشكر والحمد والثناء لرب البريه

يوم تحقق للزعيم مطلبه وما موله

عشت يازعيم دايم له الأسبقيه

في المحافل كل ما حضر في المحافل صفقواله

والف مبروك كل من يحمل عضويه

وكل منتمي للزعيم بفعله وقوله

بالبطولة اللي جت من جزل العطيه

للهلال اللي للمجد ما غيره ينوله