هز قلبي مع شروق الشمس شوقه

حرك الساكن.. من الأشواق.. طاري

رفرفت راية هواجيسٍ سبوقه

سابقني واسبقني للمحاري

ودي أخفي علم الأشواق الصدوقة

ودي اكتم سرها واسكت واداري

نيتي لو ذابت النفس الشفوقه

ما شكيت من الوله لو زاد ناري

في فؤادي لهفه وطاري وتوقه

وفي عيوني صورته ليلي.. نهاري

توي أدري عن وسع صدري وضوقه

يوم فجأة غبت عن خلي اجباري

والله إني عقب من سحري بموقه

كني لحالي بليل وفي براري

موحشٍ جوي ولي نفسٍ زهوقه

والونيس بعيد ماهو في دياري

البخيت اللي ظروفه ما تعوقه

مع وليفه دوم وان غاب اختياري