وش آخرة درب تعثرت أنا فيه

مادام زلت خطوتي في البداية

درب مشيته والشقا في مماشيه

والا الوناسه في حياتي دعايه

هذا الشقا ظلي وأنا كيف اخليه

مهما قطعت من المسافه ورايه

مكتوب اهني كل حي بغاليه

وارجع ولا القى بالخلايق غلايه

راح الزمان اللي صفت لي لياليه

ترك لي الذكرى وجدد عنايه

ياناس عزوني بمن مات وارثيه

مات الفرح ما عاد ينفع رجايه

وقتي قهرني والظليمه مباديه

رغم الوفاء شفت التعاسه جزايه

وان كان دربي أوله مثل تاليه

والله مدري وش تصير النهايه