كان الهوى عندك على ماتورين
لوا حسافة وقتي اللي عطيتك
توي عرفت إنك على البعد تقوين
وان الخطاء في ذمتي لو وفيتك
بذلت ما قصرت لجلك تهنين
حتى الخفوق اللي طعنتيه بيتك
وشلون جالك بالمشاعر تسلين
وانا الذي من كل قلبي هويتك
ما كنت اظن بيوم عني تخلين
ليتي مضيت برحلتي مالقيتك
صحيح ما تعلى على الحاجب العين
خلاص عن دنيا المحبة نفيتك
لا تسألين ارجوك دربي على وين
دامك غلطتي من حياتي محيتك
ولا تطلبين الحب لا لا تعنين
والله مايرجع زمانٍ رجيتك
بردها الحسرات وأوفي لك الدين
معذور من كأس الألم لو سقيتك
ولى زمانك والعزاء فيك سطرين
حمّلت نفسي للهموم ونسيتك
ودام الهوى عندك على ماتورين
لوا خسارة ليتني ما عطيتك
