يا شين دنيا همها يفجع قلوب
يسرق من الرجّال فكره وشوفه
يقطعك يا دمع طغى واغرق الثوب
لافيك لا رحمة ولابك مروفه
أهون على المعطوب يموت معطوب
ولا يعيش بحسرته وسط جوفه
دام الوداع بكل الاحوال مكتوب
ترى دموعك يالعيون مخلوفه
المشكلة ماهيب في فراق محبوب
مادام اهو حيٍّ وتقدر تشوفه
الموت فرقى واحد عنك محجوب
غيب عليك الموت صوته وشوفه
كم واحدٍ حبه على الكبد مصبوب
لا فارقك ماعاد عقبه حسوفه
وكم واحد حبه سواليف وكذوب
له ذمة تكفي جحافل حلوفه
رضعت من ثدي الشقا همّ محلوب
واقفت حياتي بالهموم معسوفه
يا نفس لا ترمي معزبك بالطوب
ما دامك انتي عارفة وش ظروفه
مالي مع المقفين حاجه ومطلوب
عزيت نفسي وارتضيت النكوفه
خوفي اجي والنفس مليانه ذنوب
في يوم ما يشفع للانسان خوفه
