انشدك عن حي يهل الدموعي

في كل يوم يذرف الدمع سكاب

ماهو حزين ولا شكى ضيم جوعي

ذي سيرته والناس تجهل بالاسباب

الحل تمساحٍ عرف بالدموعي

واضح يابن غالب لواعين الالباب

يضرب مثل ل(الفهلوة) والخضوعي

يا ما سمعنا «دمع تمساح كذاب»

يا ماحلا المكشات يوم الربوعي

في روضة فيها زماليق الاعشاب

فيها تماسيح البراري جموعي

مسلطات بالبراري على الداب

هذا وانا بالحل واثق قنوعي

اللغز حله جاك يا عرب الانساب

لغز التراث اللي تجدد اسبوعي

يا ابو حمد زاد الثنا له والاعجاب

لاشك لغز اليوم عجّز افزوعي

قالوا بعيد موطنه دار الاجناب

تمساح مودع من ينوشه امزوعي

حول النهر تخدع دموعه وينهاب

اقول حل اللغز حي يروعي

مسكين من هو قطعنه بالانياب

تمساح كنه لابس له دروعي

والدمع دايم من مقا العين سكاب

زانت علوم اللي حسين الطبوعي

والحل جاكم يا الرفاقه والاحباب

اقول ان التمساح شوفه يروعي

لا تغرك دموعه وفكر بالانياب

حييت يا اللي جبت لغز السبوعي

ترحيبة الصاحب لغالين الاصحاب

لغزل هو التمساح شكله يروعي

اللي يكشر بالطواحن والانياب

ترى التواصل من حسين الطبوعي

مثل الكلام الزين لاصحاب الالباب

لغزك هو التمساح حسب الرموعي

الله يوفقنا على خير الاسباب

حل رمعته بين ذيك الجموعي

خذها هدية كلها عطر واطياب

مضرب مثل تمساحكم بالخدوعي

يظهر دموعه ثم ياكل بالانياب

على دروب الحل نشعل شموعي

ولا خاب من شاور هل العرف واصحاب

تمساح فكه للضحية قطوعي

لو هل دمعه قالوا الناس كذاب

لغزك يا بن غالب جميل ونوعي

ويستاهل التفكير من كل الاصحاب

حله هو التمساح واكبر قطوعي

الموت في فكه بضرسه وبالناب

ماهقوتي تكثر عليه الدموعي

ولا فيه هنداب على ذات الالباب

يبدي بها (التمساح) بعض الخدوعي

فطره ويعلم غيبها رب الارباب

اسلم سلمت.. الله لكم لا يروعي

وانا ولا القاري ولا كل الاحباب

الله يكافينا وكل الربوعي

والسلحفاة تكب دمع بلا اسباب

مبارك محمد طرجم الضعاوين

قلت اكتب المعنى بكيفي وطوعي

وابي اعدي به على كل مرقاب

واللغز حله واضح يالربوعي

تمساح حله يا عريبين الانساب

يا الله بنوٍّ فوق عال الضلوعي

من هضبة بطويق يجرن الاشعاب

تسقي ديار ضيفها ما يجوعي

ماهي بدون ضيوفها تغلق الباب

واللغز تمساح سنونه تروعي

بين النهر والبر بديار الاجناب

لو يدفع التمساح طبعه بلوعي

يبلع طعامه ما يهدد بمشعاب

غطاس بالماء ماهر بالطلوعي

لا تامنونه يا ربوعي والاحباب