تمون يامظنون عيني تصرف

بملكك تصرف ياهوى البال والروح

تغانم الفرصة ترى العمر طرف

والحق على اللي من سبايبك مجروح

بمعرفة مثلي جنابك تشرف

هذا الصحيح ان جيت وان رحت مسموح

ولاتحسب اني بعدكم بتكلف

لا والذي عقب الظلام ارسل الضوح

ولابد ماتندم علي او تحسف

وتعيش طول العمر ندمات وتنوح

ودموع عينك فوق خدك تذرف

ولاينفعك دمع على الخد مسفوح

تاصلك مني في جواب مزرف

تسعة بيوت من غميقً وله فوح

مكتوبة بدموع خل مترف

حتى تعرف بك وصار له ساموح

ماهيب لا جاهل ولاهي مخرف

بعز الشباب ولك بها لقلب مفتوح