يحق لك لوك عليه تغليت

دام انت روحي كيف انا بقدر ابعدك

ياللي عن القمرا فرقت وتعليت

تغار منك ودايم الدوم ترصدك

ليتك على تجريح قلبي تونيت

وشلون تجرح من يودك ويسعدك

والله ما اخبر اني معك يوم زليت

بالعكس بعيوني وقلبي مقلدك

وعبراتي اللي من سبايبك هليت

ليه القساوه ما صدقت بتوددك

لو غبت عن عيني بقلبي تجليت

سبحان رب وسط دنياي موجدك

ما قدر على النسيان لوني تناسيت

ويا ليت موتي سابق يوم مولدك