يا دار لاهل الهوى تذكار

بقلوب ناس يحبونك

مثَّل شموخك جبل سنجار

تصافق الريح بركونك

خليتني واقف ومحتار

ذكرت ماضيك وفنونك

الصاحب الجادل المعطار

مضنون عيني ومضنونك

نجوى المواليف والاسرار

تسكن خفاياك وحصونك

يوم الرضاء والعتب يا دار

والهمس والبوح مكنونك

واليوم دار الزمان وجار

تغيروا ما يمرونك

لو كنت رمل وخشب وحجار

بعد الوفاء كيف ينسونك

عليك جعل الحياء مدرار

جعل الهماليل يسقونك

وصحراك تنبت سدر وازهار

ويغرد الطير بردونك