اشهد ان الدمع له بالهوى نكهة

يوم سال وخالطه بعض وجداني

والرموش اليابسة مالها .. شرهة

دام دمعي لا تفزعت به.. جاني

كل ما غاب الحبيب وبقى وجهه

قلت يا عيني تعالي على .. شاني

خلي دموعي تجي للوطن نزهة

نكسر الفنجال في خايع اوجاني

واستبيح العذر من وجنتي برهة

لجل اعزم الضيف واذبح له اشجاني

ضيفي اللي كل منوي على كرهه

شتت اللي في خفوقي ونساني

هو سلاحي كل ما جيت للجبهة

من سواته هابني قايد احزاني

ذا دوا روح لخلانها .. ولهه

باتسلى دام دمع الهوى فاني