شايب بالجنوب.. وشايب بالشمال

كل واحد لحاله من قبل عصر نوح

الجنوبي لحاله.. والشمالي لحال

طبع شايب يروح.. وشايب ما يروح

يرقدون النهار ويسهرون الليال

كلهم بالجزيرة واضحين وضوح

يا محمد ! احييي فيك حسن المقال

لغزك اللي نشرته منه عطر يفوح

مرحبا بك اهلا.. وتراثنا .. والرجال

و)للجزيرة( وصفحتها.. بحبي ابوح

)الجنوبي.. سهيل(.. )والجدي.. بالشمال(

كل من قال هذا: جعل دروبه سموح

يالله اني طلبتك يا عظيم الجلال

بعاجل امرك شديدات الليالي تروح

ويعقبها صدوق المزن رزن الخيال

شامل الجزيرة سهلها والسفوح

وما يحده سهيل للجدى بالشمال

يرجع الله له ويزول وقت الشحوح

الكواكب خلقها الله عزيز الجلال

حكمته جل شانه للبشر ما تبوح

شايب بالشمال الجدى بين وعال

وشايب بالجنوب سهيل الاخضر يلوح

بالفلك كل واحد مركزه لا يزال

بس واحد دليله مبعدين السروح

مرحبا بالتراث اللي على النفس غال

بالجزيرة لها كل محب ونصوح

شايب بالشمال للجدي وصف وكمال

وشايب بالجنوب سهيل بان بوضوح

حكمة الله وتكوينه تفوق الخيال

واشكر اللي على جزل المعاني طموح

صفحة تراث والله ما تقدر بمال

حيها وسط قلب في غلاها يبوح

مرحبا في محمد عد وبل الخيال

وحل لغزه بسيط ولا يبي له شروح

والاجابة تراها دوم قدر السؤال

لو تنقل "سهيل" "الجدي" ماله نزوح

ابتراث الجزيرة كل سحر حلال

والجزيرة - انا اشهد - من كبار الصروح

ما بغينا لقينا من قصيد او مقال

او بغينا مواعظ والا كلمة نصوح

وانا جيت ابي اشارك والجواب احتمال

الجدي واليماني بعدهن لي طموح

يا تراث الجزيرة انتي بكل حال

صفحة الشعر واللي يعشقون الطموح

بعد ذا يا محمد يوم حل المجال

مرحبا بك عدد زهر عبيره يفوح

وشف ترى سهيل يلمح بالجنوب وتعال

ثم شف بالشمال الجدى نوره يلوح

يا محمد تمشينا وأخذنا المناك

بالربيع الشمالي بين تلعه وسوح

بين ديمه وقمرا ونار فيها دلال

ودر خلفات يحلب عند وجه سموح

والجزيرة بجنبي لك عليها سؤال

عن اثنين دلايل بالسماء للسروح

يا بن سالم هلا بك عد وبل الخيال

يا عسا يا محمد كل وقتك فروح

عارفين الاجابة بعد جانا السؤال

يوم ورد المعاني وسط لغزك تفوح

الجدي في الشمال وكم يدل الرجال

واليماني جنوب في العوالي يلوح

شفت لغز قريته في بقالة كمال

عن رجال اثنين بدون جسم وروح

اسمعوا حل لغز السالمي يا عيال

في تراث الجزيرة ساطع في وضوح

سهيل نجم الجنوبي والجدى بالشمال

الله اللي خلقهن قبل ادم ونوح

لغزكم يا محمد نعرفه بالكمال

المداوي تراه اللي يداوي الجروح

الجدي في محله ثابت لا محال

يوم نجمة سهيل من جنوب تلوح

عبدالهادي فهاد العرجاني

مرحبا يا محمد يا كريم السبال

عد ورقا تنوح وعد برقن يلوح

يوم وجهت للعراف نص السؤال

جتك منا الاجابة يالصديق النصوح

الجدي تقتدي به من قديم الرجال

واليماني سهيل بمنزله ما يزوح

نرسل الحل ثابت ما يصير احتمال

والاطباء تحكم في علاج الجروح

طلة سهيل غابت والجدي لا يزال

في ظلام الدجا للعين نوره يلوح

يا محمد سلامي عد وبل الخيال

عد وبل السحاب اللي بروقه تلوح

قلت هذا الجدي وسهيل ما به جدال

حل لغزك يابن علي الفهيم النصوح

ما يشيل الحمول الا ثقيل الرجال

وكل ماعون من ما فيه لازم يفوح

ونجمة الجدي رمز لاتجاه الشمال

يوم سهيل اليماني باليمن ما يروح

يا محمد هلا بك يا كريم السبال

عد ما بان نجم وعد ما لاح ضوح

الحقيقة حبكت اللغز يابن الرجال

بالبيوت الجميلة جعل دربك سموح

الجدي مقصدك وسهيل ما به جدال

بالسما واضحين يالسنافي وضوح

لغز وارد على معناه في كل حال

الجنوبي "سهيل" تشوف نوره يلوح

و"الجدي" بالشمال ولا تغير محال

ثابت في مكانه ما نوى بالنزوح

يا الحميدي تحية عد رمل السهال

يا رفيق جهوده واضحات وضوح

راعي الخير والابداع قرم الرجال

تستحق التحية والثنا والمدوح

وختمها الجدي نجم موقعه بالشمال

وايضا سهيل نجم واضح لي وضوح

من تغلى يخلى لا تسوق الدلال

لو نعد النجوم بسرنا ما تبوح

يا سهيل اليماني والجدي بالشمال

ثابت في محله ما نظنه يروح

اعجبتني وصول السالمي للسؤال

هيضت خافقي قبله بخيل شحوح

في مواري رموز اعلامنا لا جدال

لو فقدنا سهيل الجدي نوره يضوح

يا فصيح اللسان ويا حكيم المقال

يوم بينت لغزك بالاجابة بنوح

)الجدي( موقعه معروف دايم شمال

والجنوبي )سهيل( وفي العلالي يلوح

دارسه بالكتاب وراسمه بالخيال

لا طلع في سماه اناظره بالوضوح

يا سلامي على اللي في بيوته سؤال

والعطر بالتراث ودم منها يفوح

دايم ما تونى في علوم الرجال

لابه بالمعاني كل منهم نصوح

خذ جوابي مجهز يوم جاله مجال

الجدى مع سهيل اليا بغيت الشروح

يا محمد هلا بك.. عد برق الشمال

وعد خضر الغصون وعد ورقا تنوح

يوم لغزك كتبته.. هاك حله بحال

عبر فاكس الجزيرة من اعال الصروح

جل رب خلقهن.. كل واحد لحال

الجدي ثابت وسهيل طبعه يروح

مرحبا يا محمد عد وبل الخيال

من مزونٍ نشت والبرق فيها يلوح

بعد هذا نحل اللغز ما فيها جدال

الجدي لغزكم وسهيل ما فيها مزوح

لغز ابو زيد وارد وابين من الهلال

مثل شمس النهار اللي لها فيه ضوح

الجدي في شماله ثابت لا يزال

كل ليله ونجم الجدي نوره يلوح

والجنوبي اليا وايق تهيج الجمال

ويبرد الليل به ويرد للنبت روح

يا محمد سلام من صدور الرجال

واستلم حل لغزك يا طبيب الجروح

الجدي مع سهيل بينه للعيال

والدليله يشوف النجم قدامه يلوح

والدليله يعرف الدرب في كل حال

يقتدي بالجدي او في طريقه يروح

مرحبا مرحبا باللي بدا بالسؤال

عد ما شاع برق في مزونه يلوح

الجدي بالشمال اكيد واضح شمال

عكسه اسهيل معروف يروح ويضوح