احساس بالغربة ورعشة بالأطراف

أشياء تغيب.. وتولد أشياء جديده

وجميع ما حولك اخذ شكل الأطياف

وللذاكرة ترجع مواقف بعيده

وتفتح لك أبواب.. وتعرض لك أوصاف

وتسرج لك جياد الخيال العنيده

وتطلع لك أفكار تخوفك.. وتخاف

وتحيط بك أفكار دنيا سعيده

وتصير.. وأنت انسان مرهف وشفاف

الكون كله يجتمع داخل إيده

حاله غريبة ما توصف وتنشاف

من عاش فيها.. شاف فرصة فريده

قدومها فجأة.. تفاصيلها اسراف

وألوانها .. وآثارها بالقصيده