عبر الليالي والزمن والمسافات
يطري على بالي من الناس غالين
ياما نتحرى في ثنايا مدارات
بعض الخبر ولا سلام البعيدين
أقول يمكني ألاقي إشارات
تدلني.. مشتاق شوف العزيزين
والناس أحوال وظروف وزيارات
لها دلالات تدل وبراهين
أشوف الإبداعات واقرأ لي أبيات
صدق المشاعر عند ناس محبين
أشعار شعبيات وأجمل عبارات
ومع الأحبة منهج اليسر واللين
وآخذ واقارن وأتفكر بما فات
والوقت يمشي بي على الزين والشين
كان الهنا والحب والأنس لحظات
واليوم وين أنتم وأنا مسكني وين
ياسيدي حبك أساس وبدايات
وأنت الذي قدرك على الراس والعين
عديم جنس ياهوى البال هيهات
يوجد حليّك والخلايق كثيرين
ياليت من شافك وألا واحلالاة
حبك سبى حالي بفرقاك والبين
لك لوعة وحده ولي عشر لوعات
راح الرجاء مابين باكر وبعدين
لا شعر لا نثر ولا من رسالات
مقطوع حبل الوصل ولو كان بتّين
حبيب قلبي لكن الحظ ميلات
بعدك فراغ ما ملته المضامين
ياما تحايلنا ولا فيك حيلات
مشت كذا.. ياهمالي وحزنين
