يا عين دمعك ليه سايل على الخد

وانتي سبايب هلته وانحداره

دموع تهلينها مالها عد

حرمتي الخدين ذيك النظارة

يصبر عليك الخد صبر بلا حد

قولي لدمعك ينتظم في مساره

الدمع مهما هل لامل يركد

وانتي دموعك تنثريها خساره

لا ترتجي يا عين لك صاحب شد

وش هي تفيدك دمعتك وانتظاره.

اللي رحل يا عين ما اظنه يرد

وان رد لك ماهو بنفس الطهاره

آخر كلامي من نوى لك على صد

انسي خياله واحرميه اعتباره

وانسي جروح الامس واحيي مع الغد

وعيشي حلاوة عمر عقب المراره