إن شفت عيني لك تراها تحلاك
وان شفتني سارح ترى سارح فيك
بالفكر دايم بس اعبرك وانشاك
واكتبك للخلوات قصه لي ارويك
أنا ونفسي لاحضر طيفك عراك
لتسومني منك وترجع وتشريك
هيهات عينٍ هلت الدمع تسلاك
وهيهات يسلا عنك قلبي حيا فيك
ما احد تشرف منك باجمل هداياك
إلا انا واحترت ما أدري وش اهديك
خذ الشعر خذني قصيده بالبواك
واخذك بيتٍ طول عمري اغنيك
إن غبت عني ذاب طيفي وناداك
ويطيح ذابل خافقي بين كفيك
كانك تجي من دافع العطف ما رضاك
أبيك مثل أول والشواق تدفيك
طول العمر ما اتمل عيني تحلاك
اكشف حلايا جداد مع سرحتي فيك
