يا عيد عدت وتقل ما عدت يا عيد
لا عادت الفرحة ولا غايبي عاد
العيد لافراح المحبين تجديد
وان غابت الفرحة وش تفيد الاعياد
يا عيد انا بلواي من سيد الغيد
اللي سعى لي دونه الحظ ببعاد
العام معه اشيد الحب تشييد
واليوم جاء لقصور الافراح هداد
من يوم سمعت الخبر شبه توكيد
ونشدت ثم جاني خبرهم بالاوكاد
من يومها صفدت الافراح تصفيد
وحجزت لي مع درب الاحزان ميعاد
قدم العرب كني عن همومي ابعيد
وفي وحدتي ما كف دمعي الى زاد
يا عيد ليت ننشد الخل تنشيد
من الذي قام وتسبب بالانكاد
كانه هو اللي با عني بيع بزهيد
انسى غلاه ويصنع الله ما راد
وانكان دوني وقفوه الحواسيد
ابا اتعذب معه والهجر جلاد
انا شريكه في همومه ولا احيد
قصدي وفاء ولا الفرح راح ما عاد
