أبا اكتبك وهمٍ على روس كثبان

وابا ارسمك نهرٍ غرقت بضفافه

يا زارع حقول العطا خوف واحزان

الحقد ما بينك وبينه مسافه

من شانك ارخصت اطيب الناس يافلان

ياضيف قلبي ما احترمت الضيافه

ياكحل رمش العين عافتك الاجفان

ومن ما احترم شاريه يسهل عيافه

كيف انخدعت وصغت بك عذب الالحان

وابديت لك كل الغلا واللطافه

وحطيت لك في داخل الروح مسكان

واليوم صرت ابكي دموع الحسافه

زولك وشكلك غرني كنت غلطان

والشاعر اصعب ما يكون اعترافه

كنت احسب انك صافي الود فنان

الحب ما احدٍ يستطيع احترافه