يا سامع ما قلت لك معك امانه
نصيحة شوري عليك اعتمدها
ترى التخضع من اسلوب الإهانه
احسن وسيلة عز نفسك تجدها
وعيب على اللي ما يحدد مكانه
ويشوف نسبة قيمته كم عددها
ولا ينجزي راع الوفاء بالخيانه
ونهاية العشره على من جحدها
ولاكل رجال عليه الميانه
اكبر خطاء تعطي الثقه من فقدها
وكم كلمة تفتح على الرجل خانه
تمسك عليه ولا يحصل سددها
وكم واحد خل بخليله ودانه
ضحك عليه وراح من عند يدها
وكم عبد مال ما يمد الاعانه
حقه من الدنيا الى أقفا نكدها
ولاكل شخص جاب غيبه لسانه
خص القلوب اللي تخفي حسدها
هذا وغير اللي تقدم بيانه
امر من ما قلت لو قلت وادها
مزود الكلمة عدو البطانه
اللي يبي جمع الشوش ويعقدها
متعلم مجمل اسلوب اللعانه
للحق يابا والوجيه يعبدها
ابليس ما عمره فرق عن قرانه
والمشكله ما يختفي عن وعدها
لو راهن المطرود يكسب رهانه
يجيب علم الشاذة من بلدها
ما قول قولن مالتزمت بضمانه
ما قدم الحجة وضيع سندها
ما خص احد وقول هذا بشانه
تمشي على المقصود واللي قصدها
وكلٍ يتابع بالجرايد اعلانه
ويشوف سعر العمله اللي رصدها
ولا صافت الدنيا ملوك الكنانه
ما باقي إلا معجزتهم وحدها
هذا السب معروف ما هي كهانه
من درج الخلفه عرف وش ولدها
لافي قسى الدنيا ولا بالليانه
عجزت اميز بنيها من هددها
احد تغني له من اول زمانه
واحد يقالبها ويخطي سعدها
ولا حد بمجهوده يحدد كيانه
كم مالك لزراعة ما حصدها
وصلوا على المبعوث باخر ديانه
اعداد ضخات العروق بجسدها
