جيتي وانا أنقاض والقلب مذبوح
جيتي وانا صمت وبقايا هدامي
جيتي وانا صوره.. بلا نبض.. أو بوح
متعلقه بجدار... هاك المرام
صوره معالمها تناهيد.. وجروح
تنزفي خفى.. بين اليقين ومنامي
لاتطمعي بالشوق.. والطير مجروح
صوته يغرد.. خارج السرب ظامي
متأخره جيتي.. على نزعة الروح
اللي هويتي جرحه اليوم دامي
ليله طويل.. ودمع الاشواق.. مسفوح
العين خرسا.. والحقايق ظلامي
جيتي وانا قلب.. تمكن به النوح
درب تناساه الزمن والأنامي
يلفني طوق الألم.. وين ماروح
واحه بها لون الجفاف امترامي
هجير صيف.. وصوت الاشجار مبحوح
ودروبي الصحرا.. عجاج وعتامي
نصفي شقى.. واللي بقى.. ماله وضوح
من قسوة الماضي.. عشقت انهزامي
