تفارقت أنا وياه والعين تذرف دم
وأنا أحاول أجمع باقي الدمع وثلي
ضنت من غزير الدمع واليوم يابن العم
نشف دمعها من عقب مانشفت دمي
مضى لي ثلاث سنين مابين هم وغم
ولاودي أن بعض العرب يشغله همي
إلى قال وينك قلت لبيه عندك سم
أنا أدري عليك من المخاليق واسمي
تأمر تدلل ياصغير وكلش تم
وحالف على أن مطلبك لازم يتمي
ولايشغلك وضعي حبيبي ولاتهتم
ترى ما أحد يشبه محبتك غير أمي
أنا اللي عطيتك وأنت خابر بكيف وكم
وفرقت بعطائي بصيغة الكيف والكمي
وتقاسمت أنا وياك قسم اليتامى قسم
وعطيتك مع قسمك بيمنى العطاء قسمي
ولاشفت منك إلا الجفاء وانت ماتعلم
وش أسباب شرهة خالي ومشكلة عمي
توكل على الله ما بقى في عروقي دم
سبايب عيون سابق دمعها دمي
