حالت ظروف الوقت بيني وبينه

وزود علي بعد المسافة حزوني

سارت حياتي في بعاده حزينه

اللي على عمري حبيبي يموني

هم الفراق وهم غربه غبينة

أحزان تقراها البشر في عيوني

ياناشدين الصبر ويني وينه

لوتعرفوا محبوبتي تعذروني

الله خلق في الناس زينه وشينة

واعطى جماله ناس وناسٍ بدوني

ولو هي بكيف العبد ولا بيدينه

خذا البهاء والحسن واصبح فتوني

حبيبتي فوق الذي خابرينه

فيها الوفاء ماهو جمالاً يخوني

فيها جمال الروح ياجاهلينه

سر الحبيبة ملهمتني شجوني