العيد والله فرصةٍ للمحبين
لك فرحةٍ يا عيد هزّت كياني
لجيتنا يا عيد صرنا متهنين
فيك الوصل.. وانت البشر.. والتهاني
ليت الدقيقة فيك يا عيد يومين
ما دام نورالولف يملا مكاني
شفت الحبيب.. وخفت من دمعة العين
تفضح سروري بواحدٍ قد جفاني
خليت لوم القلب يا عيد بعدين
كلش نسيته يوم ولفي نصاني
سلَّم.. وصار العيد بالقلب عيدين
رديت.. وردي مدري من وين جاني
كل عام وانت بخير.. ياقرة العين
أنت الوداد.. انت الغلا والأماني
ليت الموادع ما يجي بين قلبين
يكفي عذاب ِ من غيابك لفاني
يا مرحبا يا عيد الأحباب واهلين
طابت خواطرنا بطيب المعاني
