يناشدٍ عني من أي الحمايل
أبوي عبدالله وأنا شمريه
الاسم سلمى من سناعيس حايل
وخوالي المسعود أهل الحميه
باسم الولي محيي الهشيم المحايل
ومحي نبات النفد والجرهديه
كتبت في بيض الصحايف مثايل
وحميتهن من كل عيب وخطيه
أبيات جزلاتٍ صحاحٍ دلايل
حدادٍ شدادٍ جامعاتٍ وفيه
يستاهله سلطان واف الخصايل
ولد أبو تركي سيف نجد ووليه
غربت عنا يا عزيز النزايل
وأبطيت لين القلب بيح خفية
أهلاً من المغرب إلى قصر حايل
للعارض اللي فيه شيخ الرعيه
ومن حد نجرانٍ لبيضاء نثايل
لأرض الحجاز الطاهرة والزكية
وحياك من يرعى الغنم بالمسايل
للشيخ أبو فيصل سنام الرعيه
سلطان شيّال الحمول الثقايل
شيخ الشيوخ اللي قباله تحيه
سلطان لا هب الهواء بالحصايل
الرابح اللي جاه يبي العطيه
يردم على بابه وفود القبايل
ردم البرد من مزنة هلهليه
ناسٍ نزول وناس توه رحايل
وناسٍ تمسو يرتجون العطيه
هذا يقول افزع ترى الدهر مايل
وهذا شكى سود الليالي الرديه
ياما عطا من عين قاصر وطايل
الميت وأجيال إلى اليوم حيه
أبعد رجال الذل وأهل النقايل
وقرّب هلا الطولات وأهل الحميه
ما يتلي الضرغام أبا النثايل
ولا يتبع الشيهان طير الحديه
كلن جمع ما بين عدلٍ ومايل
إلا أبو خالد ما يحوش الرديه
صنديد قومٍ من رفاع الحمايل
وكريم ربعٍ يرتجون الحذيه
ضحوك بوجيه الشيوخ الجزايل
وعبوس بوجيه الوجيه الدنيه
حلحيل للي ينصبون الحبايل
وسمحٍ مع اللي يعترف بالخطيه
وذيبٍ قطوعٍ لا تنصاه عايل
ونمر بتوعٍ ما يهاب المنيه
ولولا الشجاعة في صدوق الفعايل
ما قاد جيش الفرقة الصيرميه
وقاد الدفاع وكمله بالأصايل
وأعطى يمينه للواء والسريه
يا زين صفت جيش كل الفصايل
لأمر أبو خالد يرد التحيه
ادعن معي ياللي تصمن النفايل
واللي بتال الليل ترفع يديه
تخلي لنا سلطان سنين طوايل
زين القطيع القاصرة والرديه
وُأقبل تحية كل سكان حايل
عد رمضان وعد عيد الضحيه
