عيد سعيد وعسى وقتك أعياد
يا مملكتنا جعل ربي يعيده
مبارك العيد المبارك والأعداد
ما توفي لقصد المحب وقصيده
في عيد الأضحى كلنا لله عباد
نشكر عطاه وفضله ونستزيده
فرحة لكل العالم أطفال وأولاد
تشوفهم والكل يلبس جديده
عسى المزن يمطر على فياض وبلاد
وبالمملكة يسقي الديار العديده
من الخبر لأبها إلى الليث منقاد
ومن حايل لرفحا وحد الجديده
شرق وشمال وغرب وجنوب تعتاد
خير ومطر ما هي على الله بعيده
فضل من المعبود في رحمته جاد
والأرض بالأمطار دايم سعيده
غيث البهايم كلها غيث الأذواد
والزرع الأخضر والقطا تغريده
يا حبنا يا دارنا يا أرض الأجداد
يا ديرة الإسلام وأهل العقيدة
يا دار حب أجداد أمجاد واحفاد
أنت العزيزه والمحبه أكيده
عيد سعيد وعيدك أفراح وأمجاد
أقبل نهار العيد وأرسل بريده
بريده أنوار تلالا على وهاد
وجبال وهضاب ونسايم فريده
وبكل عام أنتم بخير وعواد
للعيد بإذن الله سنين عديده
