ويش رجل كل ما قام طنب فالصياح

يقضي اللازم وهو مقفي ومقبل يصيح

مستعد بالمساء للمصايب والصباح

فاتح بطنه وفيه يحذف ميت وجريح

يا هلا يا مرحبا بك عدد مالبرق لاح

شاعر بالفتل والنقض يحظى بالمديح

العرب تفرق ملاح العدود من القراح

والرسوس ارسوس والعد مياحه يميح

كم فجعنا صوت الاسعاف لاجا ثم راح

ما على دنياك يا محمد الغزي مريح

مرحبا بك عد ما ذعذت نود الرياح

يا راع اللغز الثمين اخذ به حل صريح

حله الاسعاف بمهمته قام بنجاح

من المصايب جارك الله ياالوجه الفليح

ياالسنافي حل لغزك عرفته بارتياح

من قريت اللغز والحل جبته لك صحيح

قصدك الاسعاف لاقام طنب فالصياح

صانعينه لاجل ينقل مريض او جريح

مرحبا بك عد مزن لمع برقه ولاح

يوم جبت اللغز واللغز منطوقه فصيح

انت نشدنا عن اللي صياحه له نواح

ذاك صوت )اسعاف( والحل اكيد انه صحيح

مرحبا يا شاعر في سما الشعار لاح

مدة وانا انتظر طلتك من شأن ابيح

واشهد انك وافي من رياجيل الفلاح

ويا عسى الاسعاف انا وانت منه نستريح

كان به للشعر نوط ووسام وله وشاح

كلهن للصفحة الي يليق بها المديح

صفحة تراث الجزيرة لها القلب استراح

صفحة فيها للابداع ميدان فسيح

ويابن غزى صغت لغزك وحالفك النجاح

تقصد الاسعاف والقصد يا محمد صريح

ابعث اطيب تحية عطرها ورد فاح

يم قرم وفي وجه فليح

يذكرونه محمد لانوى باجتياح

كل صعباً يصير الصعب سهل فسيح

له معاني جميلة والمصادر قراح

صارت اسعاف للي منبعه به شحيح

يا هلا بك يا هلا بك عدد مالبرق لاح

ويا محمد دنيتك مابها شخص مريح

اكفنا يارب شر المصايب والجراح

ولغزكم حله الاسعاف قلته مستريح

الفياض اللي سقاها من الوسمي قراح

وارضها تنبت خزامى وقيصومه وشيح

من نزل فيها تريح ضميره واستراح

ما يمره موتر اسعاف ونانه يصيح

مرحبا.. يا شاعر لابس وشاح النجاح

كل ما طالعت معناه.. والى انه مليح

بلغيه اعجابنا يا ذعاذيع الرياح

ثم.. حل اللغز.. الاسعاف بالمعنى الصحيح

متع الشوف البعيد بمشاريع النجاح

وخذ من الواقع ما يغني عن رواية فصيح

كلما بين اهلال الشهر هرف وراح

والهلال الاحمر بواجبه نال المديح

مرحبا عداد ما هبت اهبوب الرياح

فيك يا اللي قافكم منهجه واضح صحيح

تنشد العراف عن رجل دائم ما ستراح

حله اسعاف الطواري لهم جاز المديح

لغزكم ياهل الجزيرة كشف برقه ولاح

عاش من سواه سواه بالمعنى الصحيح

سايق الاسعاف من حقه يقلد وشاح

كم نقل تعبان وكم عاش باسبابه جريح

صورة تراث الجزيرة لها القلب استراح

حيث شفت بها التراث الحقيقي والصحيح

زين شوف البيت والغيم والبل فالفياح

اشهد انه ينعش القلب حتى يستريح

يا محمد كل مرضان واللي به جراح

بالسعاف اللي مجهز يشيلونه طريح

لك سلامي مع تحية ومن عقبه وشاح

ثم تاج فوق راسك مثبت ما يطيح

جعل فالك يابن غزي معزه وانشراح

ما يجيك اسعاف جعلك دوام مستريح

يا بن غزي جارك الله عسى دربك سماح

يا وسيع المعرفة واسمع العلم الصحيح

قالوا الاسعاف يكفخ وهو ماله جناح

والجنازة شيعت يوم حطت بالضريح

يا محمد يفزع القلب لاسمع الصياح

والمشاعر ما تبي صوت صياح يصيح

لغزك هلال حمر بس كثر الجراح

ما اميز أحمد الدم من لون الصفيح

المصايب تزعجه كلما جاها وراح

كلما راح لمريض ولا حادث به ذبيح

ان مشى لسعاف صاح وان رجع بسعاف صاح

دايم الاسعاف بلازمه ما يستريح

مايوني سايقه يا محمد ماستراح

شايفه في تالي الوقت عيا يستريح

خدمته بالمجتمع تعتبر ضمن الكفاح

نشكره ونقدره قام باسعاف الجريح

واجب المسعف بالاسعاف تضميد الجراح

مخلصاً في مهنته لخالق الكون الفسيح

كل شاعر له هواية ووجهه واقتراح

ومن نشر لغزه لقاء حدره الحل الصحيح

لو تعذر حل لغز نحله بارتياح

كل ما حليت لغز لقيت انه صحيح

وللمواتر غاية بالمجية والمراح

وغاية الاسعاف نقل الصوايب والجريح

بالتراث اللغز جانا وانا بالمستراح

جابه الغزي وهو في جوابه مستريح

جاك حل اللغز كان الجواب الفاكس راح

حله الاسعاف ما قلت انا غير الصحيح

مرحبا بك يا محمد وريح الطيب فاح

بالتراث اليوم جانا بها لغز فصيح

موتر الاسعاف يمشي عسى دربه سماح

في طريقه ما تعثر ولا ودي يطيح

يا محمد لغزكم ذا مكلل بالنجاح

وانت لك عادات دايم تجيب لنا الصحيح

راعي الاسعاف في الوقت دايم مااستراح

واهني اللي من الوقت الاقشر مستريح

مرحبا يا شاعر كاسب طيب وفاح

المعاني طاوعت له وله قلب نصيح

يا محمد زدت بالوصف لين السر باح

شفت اسعاف شال من طاح من جرحه طريح

يا محمد خذ ردودي وعسى دربك سماح

يا عميل الخير جتكم بها الحل الصحيح

موتر الاسعاف حله واقوله بارتياح

والصعوبة في طريقه ولا هو مستريح

شفت لي شعر مع الشعر رفرفبالجناح

ياخذ الشعبي وينقل مفاتيح الفصيح

من قريت اللغز حله عرفته بالصياح

الاسعاف من المصايب على العالم يصيح

ارزمي يالمزنة اللي سرا برقك ولاح

وانثري فوق الثرا فيض فكرك والقريح

النفل وسط التراث انتشى ريحه وفاح

والشذا عانق هواء اسعاف كساب المديح

جعلنا وياك يا محمد الغزي صحاح

وكل من يقرأ تراث الجزيرة من فصيح

الذي قد مات قبل الاسعاف فذاك راح

واسأل الله واطلبه عاجل يشفي الجريح

اشرقت شمس المعاني.. وباح السد باح

وابرك الساعات يوم به الفرصة تتيح

الجبل راسي.. ولا هزته هوج الرياح

والمقاصد كلها اسعاف يالوجه الفليح