قال ماني محتمل منك الخطايا

بابتدي من اليوم واحسبها عليك

وان وصلت لحد غلطاتك معايا

الله أعلم وش يبي مني يجيك

قلت كل الناس تحكمها نوايا

وانت ما انت بحاكم الناس بيديك

لو تعود خاطري رد السوايا

كان قلبي ما نسى هذي وذيك

شف بوسط النفس لجروحك بقايا

ليه تزعل والخطا منك وفيك

مات كل الورد باحضان الهدايا

يوم بعت اللي يحاول يشتريك

في عيون الناس لاطباعك مرايا

لا انت مع غيرك ولا غيرك يبيك

خانك التفكير بحساب الخطايا

ما دريت ان الزمن يحسب عليك