لا واهني نجد العذيّة بسلمان

مزاجها متوافق مع مزاجه

بنتٍ زهاها الزين حل وتيجان

قدم العرب قامت تباها بتاجه

العز فيها من موارد بليهان

سلمان ولع في سماها سراجه

سلمان ما غيره لها اليوم سلطان

به تفتخر لا حل يوم المواجه

تزينت باسمه لها صار عنوان

اسم مطوقها بمحكم سياجه

اسم تميز به على كل الأوطان

والله غيره ما لها اليوم حاجة

في ضف سلمان السعد شانها شان

في وجهها دايم طليق حجاجه

من حدته دنياه له صار مزبان

أبوفهد في ضفه الف انفراجه

عدٍّ قراح ويارده كل عطشان

من يارده ينسى موارد هماجه

الطيب به يرقى على راس ما بان

الطيب يلقى في يمينه خراجه

الطيب يفخر به على مر الأزمان

واللي عرف طيبه سكن برج عاجه

الفيصلي للطيب ملجا وميدان

سقم الزمن يلقى بكفه علاجه

ويكفي على نجد الغذيّة بليهان

واعز منها شوفته وانبلاجه