يا قصيد هده الهم واضناه التعب

تونا باقيٍ بالليل يا شعري طموح

لا تهقوى بالمقابيل ما فيها عجب

وين انا وياك يا الشعر وين احنا نروح

يا قصيدي ما لغيرك على غيري نشب

والقوافي مهره جروح والخاطر جموح

باقي بالعين دمعة تحداها الهرب

وما اظن الليل يرحم ولا وقتي سموح

والوريد اللي نزف هم قلبي وش كتب

غير شيء من بلاوي وأشياء من جروح

بي تكدس ملح الاوهام لين انه زهب

واستوت بعض المشاعر وباقيها يفوح

باقيٍ بي نهر من دمع باقي ما نضب

ثم تدور يا قصيدي طريق للنزوح

الفكر ما عاد صامد وبه عرق وضرب

ولا بقى في تالي الروح الا شوي روح