بالحجيج يرحب الشعب السعودي
مرحبا .. من حج بيت الله وزاره
في حجيج البيت وبكل الوفودي
الضيوف اللي لهم.. قدر.. اوقاره
مرحبا ترحيب من شعب ودودي
في بلاد خصها الله بالطهاره
موطن الاسلام من ماض العهودي
ومهبط الوحي المقدس في دياره
ما بها ملحد.. ولا فيها يهودي
منبع الاسلام منها وانتشاره
الرحاب الطاهرة.. دار الاسودي
السعود اللي بهم طيب ونماره
كاسبين المدح من عصر الجدودي
يفعلون الطيب من.. جد.. وجداره
يشهد التاريخ والعالم شهودي
ويشهد اللي.. جاء.. حرم مكه زياره
الجهود تزيد من فهد الفهودي
خدمة الاسلام شانه وافتخاره
المليك اللي بما جاده يجودي
راحة الحجاج من طيبه وكاره
يبذل اللي يستطيع من الجهودي
وزاد عن كل التقادير .. واقتداره
خادم البيتين حلال القعودي
يحفظه من كف ليله عن نهاره
الله اللي للمخاليق امعبودي
يمنحه طول العمر.. ويعز داره
ويا صلاة الله على شخص محمودي
الرسول اللي مشينا في مساره
عد حجاجٍ لبيت الله ترودي
وعد من يرمي على الجمره جماره
وعد ما تصرف ملايين النقودي
في بنوك شيدوها للتجاره
