قالت سعيد ،مهتني بالفرح كيف؟

وشلون يفرح من يفارق حبيبه!

قلت المشاعر كلها يالغضي زيف

ياكيف يفرح من يفارق نصيبه

يسرح خيالك يا حبيبي مع الطيف

ما لحظة وحده فرحت بمغيبه

يانور عمري يا ربيعه مع الريف

فرقا حبيب الروح عندي صعيبه

جرحتني سيف الموده هاك السيف

من ضربتك والله مايبرى صويبه

هجرتني تركتني بأول الصيف

الله يجازي من غرامي بلي به

يارب تجمع هالقلوب المواليف

في ليلة فيها النواظر عجيبه

والله لاحطه عندي بمنزل الضيف

يوما به المحبوب يلقى حبيبه