يا مرحبا يا نايف الله يحييك
ماهل وبل وسال وأنبت زهرها
ترحيبة من خافق يتهج فيك
مثل ابتهاج ديارنا في مطرها
يا نايف المحبوب حنا نهنيك
جهودكم يا امير جابت ثمرها
صارت صروح الامن من غير تشكيك
في مستوى عالي يواجه خطرها
تسهر على فعل يسرك ويرضيك
في كل صوب بالسهل مع وعرها
واذا اختفت عند الظلام المساليك
تطلع عليهم مثل طلعة قمرها
واحمد على يمناك يمشي مماشيك
له نظرة شرواك صايب نظرها
اذا اعترض للناس شر وتشييك
رأي يجي منكم يفتت صخرها
هذي تحية من يحبك ويغليك
ويعدي لكم بالعز طيلة دهرها
صدق المحبة وارثينه وانا افديك
وحقائق التاريخ عندك خبرها
ارجي من المعبود يسعد لياليك
ويجنبك طول الليالي كدره
