مبروك يا أمير لك المجد عنوان
مجد يشرف كل رجل سعودي
تستاهل المنصب ولك فيه برهان
وزير مساعد لجيشك صمودي
منصب يليق بسمعتك طول الأزمان
لابوك ساعد ولعمامك عضودي
فهد وعبدالله ونايف وسلمان
الراي واحد والمقام محمودي
طيبك يابو فيصل ثبت فوق سيسان
لو عدّه الحساب ماله حدودي
يا خالد تشد الشجاعة بالأرسان
وتقودها مذاك قود القعودي
عبدالعزيز الجد وابوك سلطان
من طيب ساسك يا عريب الجدودي
عبدالعزيز اللي نسف راس عجلان
بالسيف الابتر يوم قدح الزنودي
جمّع شتات المملكة طير حوران
صار الأمان بكل قطر يسودي
انتم هل العوجا اليا ثار دخان
كم من عدوٍ ذاق سمر الكبودي
اقبل وشاف الخيل في كل ميدان
وقفّى بخوف وذل مثل الشرودي
شاف السما فيه الصواريخ مليان
والأرض فيها مثل صوت الرعودي
السيف شال الروس من فوق الامتان
بأمر الملوك ينفذون الجنودي
واقبل تحية رجل مخلص وعرفان
زف التهاني لك بريح الورودي
