عيشي فرح وآمال كل المسرات
عيشي حياتك في سعادة بدوني
كان الفرح من بيننا فيه نشوات
وأشواقنا بسمات طفل حنوني
طيفك سكون الليل لو طاف ساعات
دايم خيالك مايفارق عيوني
صبحك صباح الورد وعطور زهرات
ومساك من كل البساتين لوني
انت مميز في محبتك ميزات
ولاظن ظنك يختلف عن ظنوني
وبعد الفرح جانا حزن ضم لوعات
عالم غريب اظلم حياتي وكوني
خيم على كلي وكلك عذابات
وخلف وراه افراق وحزن جنوني
خلى حياة الحب هم وضيقات
والله يعين اهل الهوى والشجوني
عانيت من فرقاك اكبر معاناة
حتى العناء يصرخ وقال اتركوني
قلت السراح وما معه من مساحات
للي يبي فرقاي داخل سجوني
عطيت قلبي والفكر معهم الذات
حرية الإنسان لايقيدوني
تفرقوا بعدي وعاشوا متاهات
تعذبوا لفرقاي ماعذبوني
راضي بحياتي جد لو صارت اشتات
دنيا حزن وآلام لجلك تهوني
